實惠購物記

話說兩個星期前，到九龍灣實惠看傢俬，當中見到一張床架及床裖的價錢都相宜，便即場購買，原訂22/8送貨，但當日九號風，當然cancel 送貨，因為天雨路滑，我又住唐樓，要佢送上黎都危險的。

便改期23/8 再送，實惠表示1點至5點會送到，因為我要返工，所以只有女朋友在新居等待 (註新居新裝修，真的家徒四壁)，但等到6點多，他們才送到!!! (要女朋友呆等5小時真的辛苦了)。但送到上來才發現，只有床裖，沒有床架，因為是分開兩間送貨公司送的!!!他媽的!!最初約時間只約一日，當然諗住佢係一次送晒過來的，邊有公司會分兩次送的呢??? 他媽的蠢。

算!!我地都忍你。投訴完一輪，實惠話26/8再送床架，又係1點至5點要送到。今次便叫女朋友叫實惠出車送，先過去等。事前亦打左過去肯定左佢地會送貨，女朋友才過去等。2點半到新居，當然又呆等了數小時，實惠才打來話要28/8先送到貨。

女友當然發火，用左2個下午的時間竟然係得個吉。最後實惠話會26/8, 八點前一定送到, 又話減上樓費，但因夜晚我們都有野做，所以叫佢唔洗送，7點到我們到九龍灣實惠，要求退款，唔要張床架。今次佢地都好順攤，立即退比我，但要等6-8星期。

到26/8 晚上11點，女朋友收到實惠所留的8個口訊 (因為同實惠「傾」到無電，所以聽不到電話)，當中的內容節錄如下：
「x 小組，我到8點幾到就會送到你樓下的了，想comfirm你會唔會係到」(又話8點前會送到...又呃人)
「x 小姐，我地已經到你樓下了，但拍門無人應，唔該你開門比我地la」(當時留言已是10點了...都話左今晚唔得閒，唔洗送，仲退左貨都要送???!!)
「x 小姐，我拍你地門都無人應，睇黎今晚都送唔到貨比你地的」

實惠的人、行政，可以話其蠢無比，要佢送時，佢唔會送，唔洗佢送，佢又要送。已經要求退款，居然都唔通知送貨部。實惠真係3流都不如!!

PS 相信聽日佢地會再打黎要求再送貨比我地的了