零食出事

又係好耐冇寫過blog了....無他，忙也。

今次寫，因為毛毛病咗，本來病係冇乜好寫，基本上我唔會有時間寫毛毛病成點，因為你只會全副心機精神照顧佢，但係毛毛今次因為食咗一款狗小食而差啲腸胃穿，作為狗主，都好應該關照吓大家。

就係呢款叫「豚骨」的小食。

大拿拿....HK$50，得2包錫紙包裝，共6條骨仔，唔算平！！

本來佢應該係軟骨，毛毛亦唔係第一次食，但今次毛毛就因為食咗落肚之後消化唔到，頂住個胃，唔多妥再加嘔，照咗x-ray，獸醫話佢個胃有骨頭插住，好彩冇插穿個胃，如果唔係就要開刀！

打完針之後，毛毛受到地獄性的懲罰，除了吃藥丸藥水之外，還要食一個星期清腸胃罐頭，而且指定份量，多一些都不可以。一天兩餐，不可以吃其他食物。毛毛不停央求我，我亦只能硬起心腸不理她。

結果毛毛兩日之內瘦到人人皆見。真使我心痛死。

吃了一個星期醫生配方罐頭，毛毛好多了。以後選擇零食都會小心一點，要衡量吓風險，免她受苦。

近照一張：瘦咗3磅的毛毛...沒精打采的撻在地上，因為好肚餓，每日得少少罐頭食，兼冇得食零食...老實講，我心痛到死！作為主人，最難的，恐怕是要硬起心腸吧！