9月柴聚@HKCWAC

毛毛好耐冇去柴柴聚會了，今次因為懶人如我都終於入咗會(愛柴同盟)，知道有function响上水，所以毛毛有得去。

剛剛去到，中午一點，好熱！先嚟暖水淋身！熱到「乳豬全體」咁...

白兵都大個仔咗好多，Man咗，但係仲係咁為食！ 白兵條脷長到掂地！！

毛毛識得游水但係好驚，經常「靠邊站」，上演「怒海求生」等人救，不過我同毛爸都好狠心咁唔救佢。

痛苦狀...

我唔方便落水，Bianca好好人咁幫我三番四次咁拖毛毛去水池中間，等佢游番埋岸邊，Bianca，Thank you 你呀！ 

沅沅游水？No Problem啦！簡直係expert！

嘩....呢隻嘢竟然驚到搵窿捐！仲要攝住咗等毛爸救番出嚟！好醜怪！正懦夫！

仲唔俾我影到你個衰樣！哈哈！仲笑？你都真係唔知醜咯....

游完得番半條狗命.....算係真真正正响泳池游水，好好玩哩！(呢個係個人意見，毛毛可能唔認同！)

Kumi游得最好。

九月份生日柴柴。(唔好問我邊隻打邊隻，齋睇樣冇得認狗帶我唔會記得。)

主人們的愛心生日蛋糕！好sweet呀！

食咗少少嘢後就同毛毛去草地玩。毛毛好鐘意同爸爸玩追逐遊戲。

今次毛毛脾氣冇咁大，肯同其他狗仔玩。不過仲係有時唔知邊隻打邊隻。

沅沅是很溫柔的雪橇。

六點就散場，短短唔夠半小時車程，毛毛已經熟睡了。

下次如果有埋花花同Money一齊去就更錦上添花了！