網誌分類：金盒子 |
記得上年中秋節那天我從沖繩回來香港, 而今年的中秋節這天我從大陸回來香港, 事隔只係一年, 感覺這一年過得好快, 上年所發生的事 (如 ACCA 考試, 去沖繩旅行, Teresa 辭職, David 辭職, 找工......) 到現在仍然歷歷在目, 我覺得我真的老了, 好似再無以前那股衝勁, 特別係看到身邊的朋友一個一個咁結婚, 更覺得有點老人家的孤寂, 還記得以前大家都是單身的日子, 係中秋節那天, 我們都會相約出來玩到天光, 然後飲埋早茶先各自回家休息, 現在要我開一晚夜唔訓, 我想我訓番一個星期都補唔番那些失去的睡眠.
人生在世到底有什麼係最重要的呢? 最近有個朋友跟我談起他的上司, 他的上司認為只要有錢就會有好多好靚的女人走埋嚟任你選, 仲叮囑我朋友要努力工作賺多D錢, 我聽完後感到一陣悲涼, 因為他們都被物質所遮蔽了眼目, 能夠吸引其他人走埋去佢身邊的, 係因為佢的錢而不是佢個人, 假如有一天佢身上什麼也沒有, 那麼仲會不會有人仍然願意留係佢身邊呢? 或許他的上司非常幸運, 不會淪落到什麼也沒有的景況, 但當人死的時候, 這些物質又能帶走多少呢?
看來只有能夠同甘共苦的感情才是難能可貴, 因為這世代已經很少見到, 到了人需要其他人幫助的時候, 就真的能夠看到人的本性, 兩個人如果能夠相扶到老, 這是一種幸福, 而幸福是不能用金錢來衡量.
