Benny生日

今日係賓尼的生日, 話晒我同佢唔係好熟, 當然唔會發起話要同佢食飯慶祝啦, 打算到食飯時自然會有人提起, 點知今朝一早就收到肥肥的貓貓話今日係賓尼生日, 問我地去唔去同佢食飯慶祝, 依我地的慣例個貓貓當然係無人回覆啦, 到食飯時我問佢地去邊到食飯慶祝, 誰不知原來肥肥已經係東海酒家book左台, 我出到去reception時佢人都唔見埋, 後來先知佢同爸爸去左攞位先.

唉! 我識左肥肥兩年多, 佢都未試過同我搞生日, 仲要一早去左攞位, 以佢份人一定唔會去做攞位果個, 賓尼只係黎左半年竟然可以有D咁既待遇, 真係同人唔同命, 如果我係仔就好了, 最衰我係女, 同性相距, 異性"單吸", "單吸"意思指賓尼吸引左肥肥, 但肥肥無吸引到賓尼.

今日放工時見到賓尼又同財政一齊走, 相信佢地應該約左放工一齊食飯, 因為我見到財政拿著份禮物走, 肥肥啊肥肥! Lee D花靚都係唔啱你, 不如你去左減肥纖體先, 你如果瘦到身, 我相信你一定唔休無人要.