近況

我都知道自己好耐冇寫blog了,忙? 唔......也是的....過去一年也實在是忙的, 在公在私也算是ok, 不過依然是唔夠時間瞓!

公司呢年來做得唔錯,上年年尾的花紅也是人人開心的,在這公司做了八年,終於有番啲安慰. 我仲啱啱confirm咗升職啦, 沒有太大的興奮,因為這是老細之前對我的承諾,反而以升職來說,我就唔太滿意加薪幅度了!老細話公司宜家的policy寧願年尾bonus分多啲,所以salary唔會加咁多...(係人都知佢諗乜啦,bonus可多可少,可有可冇....除非佢gurantee bonus一年多過一年啦!)

另外公司最近不斷expand, 其實是件好事,不過相對來說,我的壓力也愈來愈大,尤其是最近我們又有新shop開, 由找地方到傾contract到跟裝修,由入貨到請人到宣傳, shop內的佈置,用具以至是一盤花....全都關我事,咁當然每日的生意更加關我事,上個星期剛open, 之前已忙得冇氣, 接住又要準備兩星期後的fashion show,要砌衫,要同好多唔同人deal, 已經夠煩,又怕做得唔好,又怕唔多人來,好大壓力....除咗新舖外同時又唔可忽略其他的shops喎....跟住最近有啲staff又情緒有問題,老細又催我快點同那人傾.....唉...救命呀!多得老細唔少,下個星期六日竟然安排咗英國嗰邊人來做training,其他國家啲staff又來參加,即係話我又要出席,但係我之後幾天便要做show,真係百上加斤呀......

所以趁呢幾天easter真係要休息夠先得啦!

P.S. 最近少咗買嘢,呢對波鞋已是幾個月前買, tiger x mini cooper的limited edition,後面有mini的silver logo...唔錯唔錯....