客人跟我訂購既飾物

好耐好耐都無打日記,點解????

因為我呢排忙於製造客人訂購既飾物,

陳生細妹一次過幫我接左好多飾物訂單,所以呢個星期買配件製造,

前日終於做好哂,亦係尋日攞到去陳生細妹屋企等佢幫我交貨,

真係多謝佢咁幫忙,亦都好開心有朋友欣賞兼讚賞我既飾物,

而客人都好放心交託俾我任意幫佢地設計,

日後每樣野我都會盡量做多d,

例如:飾物同迷你作品,粘土公仔都有人叫我整,但暫時性無時間去玩粘土,

今個月連讀英文既時間都用埋黎整飾物,

有排忙........

先黎介紹一下,我為客人製造既飾物先

採用swarovski全人手編織綠星星size約1.8cm,花鍊加3粒綠珠

採用swarovski全人手製造黑色迷你波波球手鍊,

波波球size只有約1cm,配上黑白珠做配襯

呢個同上面黑波波一樣,只不過顏色改變

採用swarovski全人手製造藍色波波球頸鍊,

波波球size約1.5cm,配上黑白藍珠加特色玻璃珠配襯

其實頸鍊同手鍊刻意製造一套

客人要求用紫藍捷克珠(中間不規則金點)叫我設計一條手鍊,

又要有特色,所以就諗左呢個喇!!

來自蝴蝶結既構思,黑白珠交叉配搭

呢條同上面既設計理念差唔多,只不過蝴蝶結改短(蝴蝶珠採用捷克石),

而黑白珠都好整齊上白下黑配襯

純黑色係客人要求,採用swarovski全人手製造花織手帶

採用仿珍珠,

呢條都係客人要求做4條珠鍊既手帶,顏色都係客人指定,

而我只係做配襯加製造