全人手自製迷你雲石酒吧檯

其實呢兩日都有為酒吧檯動工,但就比較慢,因為我又要忙於製作神秘小禮物,而呢個小禮物已經完成左大半,今日花左3個小時都做左兩次,但最係都係唔滿意要重新再做,可能我自己要求太高喇,而且話哂送俾人喎,點都要做得好d啦!聽日應該係大功告成既日子,隨後除左忙酒吧製作外,我仲要研究我穿極都穿唔到既壽司珠仔,因為我自己應承左送俾人,好耐都未攪好,唔係搵唔岩顏色珠,就係而家既穿唔到,激死我,我就死唔信我穿唔到,哼!!今日酒吧檯又有小小改變喇!全人手製造雲石效果既酒吧檯,雖然功夫多多,花既時間都幾長,又要填灰又要打磨噴上幾層油,但比我想像預期的做得更好,加上雲石堆砌既酒吧檯既牆身,我就覺得非常唔錯,(但我好想話俾大家聽,我好怕個種石與石磨擦既感覺,起哂雞皮,一d都唔好受,好慘),但做完出黎完全係我預期想要既野,慘都值得既,遲d加上藍燈效果,酒吧feel應該會現d喇!

                                               前者後者對比照

              全人手堆砌既石春仔.....我最怕怕個種感覺,諗起都起雞皮

全人手自製雲石效果,比我預期中真係做得好好,個d原子灰真係好臭,我又唔聞得,而且打磨都成個幾鐘,幸好陳生幫我,如果唔係我一定唔做呢種效果,因為我做唔到,太煩複喇!

  高空拍攝,其實無"痴"到架,只係擺上去影下相咋!!仲有好多野未整架

                            呢張睇得清楚d,係咪唔錯呢??

      上面小孔將會用黎裝燈,仲未整好架,外邊仲要圍邊,所以唔駛鋪到頂!!

                有空隙既位置完全裝好後就會到時再補一補佢