婚事update 4

好耐都冇update個blog啦,最近真係好忙.....等我update番上個week同今個week嘅嘢先

17/Nov - 過大禮日子

我一早向公司請咗半日假,好後悔冇請足一日......果朝一早,我起身就裝身,等未來老公仔同一個兄弟攞嘢上黎,果朝我嫲嫲爺爺都有上黎,佢地要拜神,從來都冇見過响屋企燒嘢,太搞笑~~~過大禮佢地拎咗好多嘢上黎,不過果朝我吽吽地,完全冇影到相.....錯哂!!!

20/Nov - 試set頭

呢日一放工,就同其中一個姊妹去試set頭,我一直都有留意我鍾意嘅髮型款式,然後keep住比個化妝師幫我試set,不過好似都唔係太理想,而我都有講到我嘅要求,咁化妝師都try過其他款式,有幾種都ok,不過因爲我果日係臨時約,所以都唔係試咗好耐,我就走lu.....不過大致上都應該冇問題嘅

21/Nov - 攞驗身報告及兄弟姊妹聚會

呢日又係一放工,就約咗未來老公仔去攞驗身報告,好緊張,唔知有冇問題.....等嘅時間真係最痛苦,一到我地,個醫生實在太搞笑.....佢逐頁逐頁講個結果,好驚,個心一路諗唔知佢講到邊到會講一句.....呢part有問題,真係好嚇人,好彩.....最後我地兩個嘅報告都係話好健康......真係放心哂

22/Nov - 執拾行裝

呢日自己一個人响屋企,靜靜地就自己執下自己嘢,準備搬去新屋,原來唔經唔覺,都執咗好多嘢出黎,跟住望住一pack二pack,就响到諗....點解我間房細細,可以放到咁多嘢嘅.....之後搬到新屋,成間房都放滿我d嘢,勁~~~仲有,最主要係我所有衫都未搬過去,而家諗番,都唔知自己執咗咁多嘢係d乜.......新屋間房就堆滿哂,而家我間房就吉哂.....

24/Nov - 睇中醫

最近d衰人天氣,搞到我勁出飛滋同粒粒,辛苦到死,你咪臨近嘅日子先玩嘢,我一定會搞掂佢

26/Nov - 攞成長片段DVD, 未來老公你買皮鞋同買兄弟嘅tie

放工,極速走人,去到金都,第一時間攞成長片段隻碟,做到好靚呀~~~d effects唔同哂,佢話突登配合我地d相同首歌喎.....good呀~~~

跟住行去訂公仔果到,原來佢地話係要攞貨前兩日打去通知,好彩問一問,我都唔知呢件事,仲以爲佢會响婚期前做好,再通知我地拎,真係多口問句係冇錯嘅......而家可以星期日拎啦,好期待~~~

之後再去買未來老公仔對皮鞋,睇中好幾個月,一直都冇買到,我地都係咁......臨急抱佛腳,係我地嘅宗旨.....

再去女人街買埋兄弟tie,又係睇中咗好耐,又係冇買.....我地揀咗唔同color,仲要係sharp color,我會編好邊個用咩色,唔駛爭,放心

27/Nov - 又係睇中醫

好勤力睇中醫,唉.....冇法啦,成個week d飛滋仲未好,痛死我.....原來我唔記得戒口,激死人,上次睇中醫,掛住講電話,唔記得問駛唔駛戒口,真係攞黎衰啦....今日起戒啦,希望唔會太遲

28/Nov - 安床,約人派帖,陪姊妹攞衫,自己1st fitting,MC傾嘢

聽日一早同媽咪去新屋安床,晏d約咗朋友仔食tea,順便派帖,約佢地都幾辛苦,左就右就,今次終於約得成,希望唔好再有變掛啦....之後約咗其中一個姊妹陪佢攞衫,再行下有冇鞋襯,跟住到咁上下就到我去1st fitting,我諗試一試應該好快啫...試完就join埋男mc一齊食飯,傾下婚禮嘅細節嘢,希望一切都會順利啦

29/Nov - 拜會公公婆婆,染髮,攞公仔

我媽咪話我地結婚,要去通知公公婆婆一聲喎,咁我地就諗住一早去拜佢地,跟住就會去染髮,我好耐都冇染過髮,而家d頭髮黑蚊蚊,我今次要染sharp d,勁d.....因爲冇幾可呀~~~夜d就去攞埋公仔,又搞掂一樣嘢

而家睇親電視,都見到佢地倒數緊,我都唔想記住,偏偏要提醒我日子,搞到我不自覺地緊張.....衰到死~~~