烏龍酒樓

上個星期酒樓通知喜帖已經印好,咁我同未來老公仔咪星期六出去攞,點知第二日,酒樓打黎話原來漏咗一袋喎.......激死又要出去多一次.

仲要酒樓話上次我地轉咗嘅餸菜資料佢地唔記得咗,因爲當時冇寫低,大家只係口頭講,所以如果我地出去攞帖時就直接黑字白字寫埋d菜單喎......咁我地都ok嘅,不過又要我地特登放假出去攞嘢有d麻煩囉,而家越接近婚期,我地就越黎越忙,有時間都plan做其他未做好嘅嘢先啦,真係.....

好彩,尋日未來奶奶自告奮勇話幫我地出去攞,順便傾埋菜單.....唉!!!是但啦,我都冇乜精力啦......呢段時間真係忙到癲

同場加映:

由於未來老公仔一早已經度好間屋嘅尺寸,諗住方便買傢俬,而我地之後都睇中咗梳化,床,衣櫃同放電視嘅矮櫃.....點知....諗住final confirm去落訂嘅時候,未來老爺有d質疑未來老公仔嘅尺寸,而我未來老爺係做裝修嘅.....咁我......一定信佢多d啦(未來老公仔,我真係冇辦法唔信個專業嫁喎...呵呵呵),所以,最後未來老爺決定今日自己上去重新度過,再畫好個圖比我地,我地先去落訂啦~~~~

我開始覺得爸爸媽媽未來老爺奶奶爲我地結婚嘅事付出咗好多呀....好感動~~~~