無奈

今朝如常咁行去地鐵站搭車番工,去到差唔多閘口就諗住拎張八達通出黎do,點知一拎,咦.....點解得番個套(類似luggage tag嘅套),張八達通去咗邊???

**解釋一下我嘅八達通配套先: 1.) 八達通, 2.) 八達通放响一個winnie the pooh膠套入面, 3.) winnie the pooh再放入類似luggage tag嘅套入面,有條繩連住嘅,方便响個袋揾出黎**

跟住我就企咗响閘口前面揾咗一陣,都揾唔到,心諗:唔會係尋日搭巴士返屋企時跌咗响巴士呀.....搞錯,入面仲有$70-80,連埋deposit,有成舊幾水,蝕哂本.....跟住算啦,冇辦法,又要趕住番工,所以咪要行番轉頭買飛,一路行嘅時候我仲一路專注揾緊個袋入面有冇(如果大家知道九龍灣嘅地鐵站,佢地買飛嘅地方同個閘口係有一段距離,我都唔明點解要隔咁遠),唉.....香港人要去買飛,真搞笑,自己心諗.....買咗飛,又要行番去入閘,點知行到一半......突然响地下見到樣嘢.....個winnie the pooh套咁熟好熟面嘅.....嘩,我個八達通套呀,頂.....點解會响地下嘅,我幾時跌嫁....跟住即刻執番起佢,放番入luggage tag嘅套入面,一手攞住八達通,一手攞住張飛.......唉~~~無奈!!!