今年節目多蘿蘿 take 1

好耐冇update個blog啦,因爲實在太忙,太多節目,寫唔切....而家唯有將所有節目從簡紀錄番啦

12月19日---舊公司x'mas party

唔.....間酒店d嘢食都ok嘅........下刪數百字.....唔講太多lu.....之後我地去佐敦飲酒,呢間bar係pui yi介紹,要成11點先開門,我地要响樓下等佢開,佢都算巴閉.....呵呵~~~果晚有11個人,不過有邊個就唔講lu,哈

12月21日---偉倫屋企做節

呢日做節入咗屯門bbq,呢個地方係偉倫表姊提議嘅,我已經第二次去燒啦,都唔錯,人頭計,自助形式,有電視睇,有麻雀打,地方又寬敞,嘢食又多,最重要係佢屋企人自己拎咗同準確咗好多額外嘢去燒,仲要煲埋糖水添,冇得頂呀~~~最緊張刺激嘅就緊係.....抽獎環節啦,我抽到一套chip & dale嘅大碗,有蓋同匙羮,而偉倫又咁啱抽到同我一樣,不過佢就係doraemon,好襯呀....我地都決定留番第時用

12月22日---公司x'mas party

book咗香港公園L16食飯,呢到係食泰國嘢,環境超靚嘢食超好食,仲要好貴添,如果果日天氣唔係突然變番凍,我地會坐露天囉,不過唔緊要,呢間嘢我老細有份,總有機會再去過食....呵呵呵~~~大家食飽飽,就緊係又到抽獎時間,x'mas有禮物收,緊開心啦,最後,我老細仲自己攞咗$1000出黎比我地抽獎,我地分開咗3份,大中細奬,可惜我一個都抽唔中,唔緊要,抽到嘅同事會請食嘢,咁都好呀......另外,我老細每人送咗份禮物比我地,而佢亦私底下送多一份比我,好靚好開心呀~~~而我一個好好嘅同事都送咗一份比我,响公司總共收到4份禮物呀,嘻嘻

12月24日---同best friends bbq

呢日例牌同我班friend玩,公司話放3點,點知太多嘢做,結果都係6點先走,不過唔緊要,我地8點先開始燒,冇乜所謂啦,今次bbq地點---九華徑,又係第二次响呢到燒,又係自助人頭計,都ok啦......燒到尾聲,又抽獎,今年個個都話要抽獎,唔通抽開有條癮.....

bbq完,就去咗yaki屋企繼續狂歡,唔多講,睇相就知

哈哈,呢d就係我今年嘅x'mas present啦.....

12月25日---carmen屋企bbq

呢日去咗carmen屋企燒嘢食.....冇錯,如果大家仔細睇,呢個bbq已經係我一個禮拜裡面嘅第三個bbq,勁呀~~~~呢日偉倫買咗好多海鮮燒,不過我已經冇乜心情燒,燒到悶啦.....咁惟有上去玩貓貓,睇相~~~

皮蛋

布丁

毛豆

太鍾意皮蛋,成晚黏住佢唔放....哈哈哈

12月26日---同日文同學行山

一早就起身,眼都睜唔大,之前玩得太盡,但又好早之前已經約咗,頂硬上啦,好彩今次唔算太難行,以我嘅體力,ok啦.....

循例都要影番張相啦,不過眼腫腫

超dirty嘅沙灘,仲要有隻牛响到食緊垃圾

12月31日 & 1月1日---大陸揼骨

一行7人上大陸揼骨,因爲太攰啦.....雖然我真係好攰,但我都訓唔到,比人搞緊點訓呀,點解d人可以訓到死豬咁嘅,最後我都係"恰下恰下"咁啦,結果......仲攰過之前

1月3日---同舊同事食飯再join舊舊同事唱k

呢日同咗個舊同事响harbour city食飯,佢係差唔多同我同期入職,不過做咗半年就走咗lu,我同佢都幾friend嫁,同佢行完街食完飯,就join埋偉倫佢地去唱k,唔......冇乜特別啦.....唔多講lu

未完嫁