星球話

cherri 近來有好多好多星球話，都幾搞笑架！

上星期二，cherri 還有幾天才開學，襯有空檔，我就帶 cherri 到幼兒園附近逛逛，熟習下環境，順道去吃熱狗。(haha...找藉口吧！)

今次巳是 cherri 第二次來這店。還記得個多星期前，cherri 第一次來的情景；mami 解釋給 cherri 你知，這個長形麵包夾住條香腸仔，就叫"熱狗"，你當時的反應是...呆住了！我再說英文是叫"Hotdog"，你的反應...：「dog dog 食呀?！wow wow食呀?！」

哈哈...... cherri 你太可愛啦！mami 再解釋過你知，不是食dog dog，不是食wow wow，是腸仔+麵包一齊食，就叫熱狗/Hotdog，那天你似懂非懂。

這次証實你是明白了......你看見大大個hotdog 放在你面前，你識講：「我要食狗熱呀！」 .....但指明只食腸仔！

～～～～～～～～～～～～～～～～～～～～～～～～～～～～～～～～～～～～～～～～～～～

某日，cherri 你聽見TV播出大長金的主題曲，即指著TV 說：「今長呀！」

上星期日，你獨自在看自己的DVD機。突然，你跟我們說要"講 Dora"，明明在看Mickey mouse，這麼快又要轉碟？mamibabi 問是不是要轉碟睇Dora 呀？！

你：「唔係呀！講Dora 呀！」

mamibabi：「吓 ...... 劉德華！」 (cherri 真係認得劉德華架！)

cherri：「唔係呀！講多話呀！」

mamibabi：「哦...... 廣東話呀！你要聽廣東話！」

cherri ：「係呀！聽講多話呀！」

日常還有很多句子，cherri 你也通通搞亂晒...

對唔住。。。你說成："唔對住"

拮唔到。。。說成："唔拮到"

我要多d。。。說成："我太多啦！"

陣間先洗手。。。說成："間間要洗手"

朱古力奶。。。說成："牛奶朱"

有太多星球話不能盡錄，mami 想起再記錄下來吧！

～～～～～～～～～～～～～～～～～～～～～～～～～～～～～～～～～～～～～～～～～～～

P.S. cherri 上星期自己亂畫的公仔，有頭髮、眼睛、鼻、嘴仔。

cherri 畫畫畫後，跟我說這個字是W 和 C......大家比些想像力哦！