9月尾札幌短遊 (1)

9月尾的星期五及週末, 趁老公在星期五去札幌公幹, 我們又計劃了一次週末短遊...今次是我第3次到北海道旅行呢! 雖然只是逗留很短時間, 而且只是集中遊札幌, 但都玩得好開心啊! 話說自從今年3月在電視節目睇到札幌的円山動物園在上年12月初有一對孖胎北極熊bb出世及會在今年春天在動物園公開給大家睇之後, 我就一直都煩住老公要求想去札幌睇北極熊bb...因為真係好難得才有機會有北極熊bb睇, 而且在円山動物園仲可以一次過睇到北極熊媽媽及一對北極熊bb在一起! 以前睇啲北極熊相集, 在北極拍到的北極熊相片中都會見到這個情景, 可是在一般的動物園就比較少有呢! 北極熊bb在1歲之前, 仍然細細隻, 非常可愛...因為牠們成長得快, 1歲起會變得越來越大隻, 所以我最想都係在牠們仍是1歲之前, 可以親身到訪動物園去探牠們呢! 講開北極熊, 我會越講越興奮的...嘻嘻...都係開始講第一天到達札幌的事吧!

星期五早上, 因為老公和一位同事一起到札幌, 所以我們分開時間去機場, 亦都不會搭同一班機; 原本他幫我訂了一張用UA的里數去換ANA的機票...可是9月中他實在太忙, 忙到不記得那張機票不是e-ticket, 而是最原始的機票, 而且一早已經寄到了我們家...即使收到機票, 也沒有同我交代過, 所以我完全不知道有這張機票的事! 可能他誤以為有了換機票的booking no., 就可以在電腦查到e-ticket資料, 以為這樣就可以冇問題...點知當天我去到羽田機場的ANA櫃台時, 才發現問題發生了...最後, 我就買了一張單程機票飛札幌, 總算係成功去到札幌了! 至於那張用里數換的機票, 老公說可能睇下改唔改到期, 遲些再用吧?! 到達北海道新千歲機場時, 已經是下午2點幾, 我就在機場內一間可以望到飛機的餐廳去吃個lunch...又見到比卡超飛機呢! 仲見到代表環保的綠色JAL機!

午餐後, 由新千歲機場乘搭快速火車到札幌...

我先行到酒店check-in...酒店房間算係整潔及舒適呢!

今次帶了Peggy家的Bess小姐及我家的晴子一起去旅行...她們都是SVB啊!

一個人在札幌逛街, 逛到6點幾收到老公電話, 可以約到時間和他會合了...之後便一起到大通公園去參觀現正舉行的Autumn Festival! 內有好多美食攤位呢!

我們找個地方坐下來吃一些小食作為晚餐!

這個推廣食欲之秋的美食活動, 在這個秋季的每日由早上10點開始, 至晚上8點半完結...大通公園比平時變得更熱鬧! 如果晚上可以做長時間少少, 就更加好呢! 因為8點之後就冇得再order美食, 好像太早了...我們去到時已經7點幾, 都唔係吃得好多...而且坐到8點半就要走了...

逛了札幌電視塔, 時計台...都是離酒店不遠的景點, 頗方便呢!

這一架深夜急行火車叫Hamanasu, 是在札幌至青森之間運行的, 亦都是一架blue train! (不過只有少量床位, 大部份是座位) 這一架由札幌開出的Hamanasu, 明早清晨會到達青森...

Bess也喜歡上blue train嗎?!

影完blue train, 我們返回酒店休息了...

這一天的小收穫:

有免費拿取的雜誌及單張...還有在札幌的F.L.店買了一條短褲, 就是之前我說過的9月的target之一的那條短褲! 在東京的F.L.店見唔到, 反而在札幌見到, 所以就買了回來... (btw, 札幌的F.L.店剛巧有新款紙袋, 第一次收到這款靚靚紙袋, 好開心呀!)