網誌分類：遊 I 柬埔寨 |
圖片
網誌日期：2009-11-06 21:35
對柬埔寨既印象，除左吳哥窟，相信大部人都係覺得充滿戰亂同神秘。今次我地除左去吳哥窟，亦都去左首都-金邊睇下當地既歷史風土人情，感受都幾多。
我地先去柬埔寨首都 - 金邊作遊覽，然後轉內陸機去吳哥窟。飛機唔算滿，於是乎自己調去冇人坐既機尾睇下風景影下相，天氣好好，天色好藍! 
到達後先去金塔山 (Wat Phnom) 參觀。其實金邊既名 Phnom 就係由此而黎。話說當年有位名 "Phnom" (邊) 既婆婆，家境貧窮，住係金塔山下，有一日佢執到尊佛像，於是將佢帶返屋企，從此變得富有。佢為左報答佛像，就係金塔山起左一座廟並供奉佛像，如是者有好多人都黎祈福，並有求必應，自此呢度成為福地。金邊呢個名，其中邊字就係取自婆婆，而金字就係因為當地人認為金色代表好運同和平，所以合拼埋一齊成為了 "金邊"。
呢一帶有好多遊客同當地人坐係度休息，有人騎大象，同埋非常多馬騮，仲一家大細 tim。
當地人好友善，見你影相，會停落黎比你影。
附近一棵樹上，有非常非常多既蝙蝠倒吊係樹上面，都幾壯觀。 唔熱咩?
