網誌分類：遊 I 日本東北 |
圖片
網誌日期：2009-10-24 17:06
參觀完五大堂，就過對面馬路一直行再轉一個街角到達瑞嚴寺。
面向松島灣屹立的瑞巖寺是一所據記載創建於828年的禪宗寺院。現在的建築物是於1604年由當時統治此地的伊達正宗花了5年的歲月建造而成，現在保留著的方丈已被指定為國寶，作為代表當時日本建築風格的建築物之一受到讚賞。(網上資料)
瑞嚴寺中間既通道被兩邊高大既杉樹包圍，行在杉樹林中，感覺特別清涼!!!
慢步係清涼既樹林中，好舒服!
走到大街上買 d 土產手信，見到安室內美惠既海報，型! 靚!
買左呢隻豆腐魚餅，都幾好味架! 
蠔係呢度既特產，午餐當然要試試啦~ 仲要左塊神户牛柳，好好味呀! 
食飽就出發去仙台行一番街，其實冇咩特別想買，不過就買左一個 CHOCO CRO 既朱古力卷，等一陣上新幹線時做下午茶呢 ... hehehe ... CHOCO CRO 真係好脆好濃好好味~~ (掛住食冇影相，以下係網上圖片) 
仙台站有好靚既佈置，我地就搭下午 3 點幾既新幹線返東京 lu，東北 bye bye!!! 有機會一定再黎，因為東北真係一個風景好靚，好樸素，d 人好 nice 既地方。
2 個幾鐘既車程，隔離坐左一大班老人家，傾得好開心好熱鬧，個個都係格仔恤衫既旅行裝，一袋袋盛岡既禮物袋，相信都係在東北旅行返黎，睇見佢地都好開心，希望日後我老左都會好似佢地咁周圍遊山玩水啦~
肥菇子女皇 @蘑菇國 2009-10-25 22:48
無聊鬼2009-10-26 00:24
基本上頭 4 日都係跟 schedule，最後一日就係東京自由活動，自己鐘意去邊就去邊呀!