堅強？勇敢？乞嗤！！！

              
而家Ｄ傳媒真係扭曲晒Ｄ價值觀
東方話柏芝好勇敢。。。。
阿嬌又真情剖白好堅強。。。。。.

我越睇越覺不知所謂，而家Ｄ報紙教壞細路，
佢兩個仲要搵食，仲要享受，仲要錢錢錢。。。。。
bobo有後路都費事走出0黎抓爛塊面，
張柏芝個訪問計算好晒，什麼判自已坐監，為左個仔要堅強等等真廢話，
黑都講到白，呃細路。

趁住陳冠希上庭兩條友乘勢蒲頭將責任推晒落佢度自已做受害人，
計過時間出黎博同情岩岩好，
話阿嬌佢堅強更離譜，我覺得係佢公司唔放棄呢棵搖錢樹(以前)
將佢包裝過再推出黎呃錢。

咁乜野係堅強？
我逢親返公司都經過福來村，每朝八點幾都見到個十一、二歲既女仔等校車，
佢應該係患有小兒麻痺症的，因為兩隻腳都軟弱畸型，
左右手各用一枝拐杖支撐左搖右擺地行路，
每次我都見她蹣跚地走向路邊的長凳等校車，
開頭我都覺得好可憐，咁細個就咁樣，自已做人老豆更加同情佢，
但我發覺次次見親佢都係自己背書包，
笑容滿面咁同佢媽咪一齊等車一齊傾計，有講有笑，
我每次見到咁既畫面都好感動，
呢Ｄ先係堅強嘛，從容面對困難重重既人生，呢Ｄ先係勇敢！
阿嬌柏芝果Ｄ係面皮厚、焗住、搵食0者。。。。堅強？勇敢？乞嗤！！！