墨丸，我愛妳

星期一黑椒趁住假期帶墨丸同家姐阿大約左阿姨表哥表弟出去玩，
我就因為食月餅食滯左，個胃仲反下反下，攤係張床度等日落，
下晝黑椒打電話番黎睇下我死得未，我話食左佢煲Ｄ粥精神Ｄ，未死得.........
又過左一陣黑椒再打電話比我話墨丸見爹0地唔舒服，掛住我嚷著要返屋企，
當堂一陣暖意升上心口，墨丸真係抵錫，
黑椒話叫我整理下墨丸參加學校中秋晚會Ｄ相，
又話墨丸將佢既願望寫低左0係學校塊中秋願望板上，佢影低左比我睇，
之前問阿墨丸許左咩願望又唔肯講，
又話講左唔實現咁，人仔細細鬼咁迷信，嘿嘿.............
執左一陣相終於發現墨丸許左咩願望，
雖然係簡單既祝願父母身体健康，雖然係一句說話寫錯左三個字...........
但我完完全全感受到墨丸果份赤子之心、純真既愛，
感動到流淚.......爭Ｄ，
呢個時侯，墨丸同黑椒返到屋企，
墨丸一個箭步跑埋黎抱住我：爹地！我好掛住你呀！

OH！墨丸，我愛妳  ！


( 乜妳唔係有部 NDS 咩，仲想要？ )