我的理想婚禮地點

細細個睇電視見到一D結婚o既情節, 都會幻想一下第日自己o既婚禮會係點

當然啦, o個時仲細個, 一定有好多幻想, 但都離不開係行教堂, 在浪漫典雅o既教堂裡面說一聲: "yes, i do", 然後老公深情咁望住你, 幫你揭頭紗, 再好溫柔又肉緊咁深吻你, 全場嘉賓企起度, 鼓掌歡呼.....wow~諗起都

直至幾年前我真係有個好清楚的 Dream Wedding, 就因為一套戲 --- 夏日的麼麼茶, 其中有幕係沙灘婚禮, 仲要有個心形島, 一睇就嘩左一聲.....好正呀~~~心諗如果我都可以有個 beach wedding 就好喇

不過心知, 係香港好難有, 之後就遺忙左呢件事 (因為仲未結婚丫嘛)

直至 2006 年(實施婚姻監禮人條例), 偶然間睇到報紙, 香港有公司幫人搞沙灘婚禮, 睇到真係兩眼發光, 流晒口水呀, 唔駛問我當然有即刻 keep 起張報紙啦, 留比米高睇丫嘛, 當時問佢, 佢答 "好", 但我心諗, 咁貴好似有點兒那過喎, 不過米高話, 咁我地努力d儲錢啦, 聽到我真係好開心

2007年, 康文署開放六個地點以供公眾租訂作舉行婚禮地點, 哇~~我一知道之後又係開心到飛天, 因為又可以慳返 D 丫嘛

點知到真係打算結婚時, 我再同米高講沙灘婚禮呢件事, 佢竟然 say no, 當一刻真係好唔開心又有d嬲, 唔想o既話, o個時就答我唔想啦, 等我白白希望左兩年, 而家先話我知唔得

以我o既性格, 我當然唔理佢啦, 照同阿媽, 細佬, 同米高媽講呢個建議, 但係....大家都唔睇好, 話我傻呀, 無聊呀, 又話好曬等等等等.....

其實有咩唔好喎, 係咪因為 "非一般", 所以大家接受唔到呢

唉~既然大家都唔想, 我都唯有放棄啦, 因為我真係想各人都o黎參加我o既婚禮, 見証我同米高o既好日子, 分享我地o既喜悅

點知琴日睇電視, 見到有人好成功咁係淺水灣舉行左婚禮, 我個念頭又返o黎

我都知, 結婚係我o既事, 要搞一個自己想要o既婚禮, 唔係搞一個人地要o既婚禮, 但最大的問題係.....連米高都唔想, 咁我又可以點做呢

我亦知, 搞一個 beach wedding 比起去大會堂, 用 $ 係會多左同埋多好多o野搞, 因為要租場, 請律師證婚, decoration 同安排 shuttle bus 接送, 但我真係好想

I really want a Beach Wedding ar...............