大嶼山一天遊

今天是我好朋友泳衣的生日，我和小玉一早就準備好節目和她慶祝，由於今年泳衣有個特別要求就係想在生日那天食齋，所以我地就特別為佢安排節目就係去大嶼山寶蓮寺食齋。
我地11點幾就到達東涌巴士，可能因為而加d遊客鐘意試新嘢，所以好多人都選擇咗坐360去寶蓮寺個邊，不過我地就覺得360個車費比較貴，所以我地就改坐巴士上寶蓮寺，雖然時間相對會耐咗，但係都無所謂啦！
唔知係唔係因為早餐食得少的關係，我地到達寶蓮寺已經好肚餓了，咁我地就即刻走去買張齋劵準備食午飯，由於我地買的是100元貴賓飛所以可以坐係貴賓廳食飯而且仲唔駛同人搭枱，我地三個人有四碟?一個湯，有素翅、炸春卷、檸檬素雞、花菇生菜、炒什菜，個素雞由於有檸汁關係酸酸地都幾醒胃，個炒什菜有腰果、鮮百合、甜豆、青紅椒等等，仲有個冬菇生菜都樣清清地都唔錯，另外個素翅d材料都幾足，仲有少少辣不過都好好味，再加上那些炸春卷雖然話炸，但係一點都不油膩，總的來說整個午餐真係唔錯。食完午餐我地見到個小賣部於是八卦走去睇下啦！嘩！個d甜品糕點好正呀！我地選咗二個壽桃型的糕點和一個豆沙水晶餅，不過佢比起出面街賣的好食，佢塊皮唔圍行下傾下計睇下風景就算啦！不過我地喺大澳都試咗泳衣話好味的那間其記，這間其記最出名的就是檸檬茶，佢地d檸檬茶同出面飲的唔同，你唔會見到有檸檬這個物體的，因為店主早將檸檬搾成檸檬汁再加茶，不過細細杯都要成11元，好似好貴咁，但係我覺得有酸酸地好好味，所以11元我覺得值，另外我地仲叫咗毎油占多，不過只有泳衣一個食，但係佢都話好食，所以今次又試到好嘢都算不枉此行。
行完大澳我地又再坐車到東涌東薈城度shopping，講真話這裏是outlet真係啱一半，呢度d貨又真係out out地，但係價錢又真係一d都唔平，分分鐘鐘比起而加喺正鋪買得貴，所以我地都只係純粹window shopping，不過我喺度都見到一個自己幾滿意的袋，本來自己唸住行完先去買的，點知再返去間鋪頭唸住買啦！但係就比其他人搶先一步買走咗，真係激死呀！而加唯有睇下佢地其他鋪頭有無得賣啦！
行完東薈城都成六點幾我地就坐地鐵去葵芳杭洲人家食飯，我地又係食198元的二人套套餐，再加一碗菜飯和一碗陽春面，三個人都係食咗298元，今日我地淨係食嘢都用咗共元，我同小玉一人一半都係323元左右，但係就包含咗三餐都真係幾抵呀！不過其實價錢唔係最重要，最重要係可以三個人一齊出嚟聚一聚去玩下，這些美好的時光都不是錢可以買到的。

在煙霞中的大佛

喺寶蓮寺小食部買的糕點，有壽桃型的甜餅，仲有豆沙水晶餅，皮不太厚而且唔係太甜，好好的！