愉快的一天假期

小玉和泳衣今日都放假唔駛返工，我當然唔執輸同佢地一齊放假好好去玩下啦！而且又咁啱小玉喺25號，於是我地就決定用這個假期嚟替小玉提早慶祝生日。
雖然話提早慶祝但係我地安排的節目一d都唔馬虎，我地安排咗喺荃灣食韓國燒烤自助午餐，雖然位只70幾蚊，但係都hea咗我地成二個鐘頭，因為慢慢食又傾下計所以坐耐d都無問題。
食飽之後因為壽星女話想參觀博物館，所以我地就安排咗去沙田個”香港文化博物館”參觀，我地睇咗幾個展覽，不過可能因為星期一的關係所以到場參觀的人真係好少，可能因為少人的關係我地三個好悠閒咁行咗成幾個鐘頭呀！行完博物館我地就向下一站進發……就係行商場shopping，小玉同泳衣都有收穫，買咗少少嘢。
跟住我地就係沙田日本餐廳食晚餐，我地食咗一個牛肉火鍋、三色飯(有魚生飯、鰻魚飯和牛肉飯)和薄餅燒，三個人都係食咗400元，都真係幾抵，而且味道都唔錯，只可惜當時我唔記得同D嘢食影番張相呀！
不過今日我地午餐同晚餐我地兩個人都只係300元，又有得食、又有得睇、又可以一齊聚聚真係好開心呀！

個香港文化博物館外觀都幾唔錯呀！

館內放咗一條天后誕時舞的龍。

兒童館內放了一些以前農家用的用品