睇單位

睇單位

今日同同事一齊到萬景峰食飯，食完飯有個同事說他要回舊居清理一下，咁我和我同事又係八卦的關係就決定跟佢一齊返睇下啦！

因為個同事最近搬咗去東涌住，咁舊居就要在交樓前清理一下，於是我地班八卦友就有機會上佢舊居參觀一下啦！

我地食完飯就由萬景峰個邊行過去佢住嗰個屋苑，嘩！大熱天時行咗成十幾分鐘先到佢舊居，一路行一路行我同我同事都有D後悔點解自己要咁八卦，不過算啦都行咗成大半囉，咁唯有繼續啦！

行咗15分鐘左右我地終於都到達目的地“爵悅庭”，想唔到我同事原來住喺66樓咁高喎，好彩而加D新式住宅沒有曬衫架在屋外，否則由咁高曬衫出去你都咪話唔腳仔軟呀！

講番個單位個樓底真係好高呀！真係可以喺度打場羽毛球都唔怕唔夠高，而且個單位個view都幾靚，可以望到全個荃灣的景色，仲可以喺窗外睇到我地公司添。

雖然之前咁辛苦行過嚟，但係睇到咁靚的點就算數啦！

因為同事搬走哂D嘢，所以只係剩番個廚櫃喺度

因為佢住66樓，所以從佢屋企望落個景都幾靚

嘩！成個荃灣都望晒，我估如果夜晚睇仲靚呀！