好唔開心呀!!

相隔3個月... 我又同媽媽大嘈一次啦!!

唉.. 點解成日都要0甘... 究竟係0米真係我做0羊, 講0羊都係錯??

其實我真係唔明, 點解你好似覺得我大把錢0甘??

點解你覺得我係好多錢係身,但係見到個哥哥唔掂都唔幫手?

唔係我幫唔幫0既問題, 係我有無本事幫0既問題...

今日同你傾電話時.. 你講呢一句, 真係hurt 到我爆...

我: " 哥哥係0米驚自己供唔起, 供得辛苦所以唔想買樓住呀?"

媽: " 佢供唔起你都唔會幫佢ga la, 你問0黎做0羊jei.."

我真係唔知比0羊反應你...

說真的, 如果佢真係供唔起樓, 我可以點幫佢呢??

難道你認為我可以幫埋佢供嗎??

第2件事, 之前同哥哥睇樓, 佢一定要搵3房單位, 因為我爸爸, 媽媽要分開房瞓ga...

但係睇d 和諧式居屋3房單位0既, 都會有其中1間房比較細, only 放到張床, 其他0羊位都無ga la.. 哥哥原本話將個間比爸爸瞓, 但係我覺得對爸爸0黎講, 真係太細啦!!

同埋當媽媽個間大佢一半0既時候, 將心比己, 我覺得點都會有hard feeling..

所以我提議都係裝修, 將間房改大d.. 0甘就對大家都好..

當然住個0個唔係我, 我個d 只係建議, 聽唔聽都得...

但係今日係電話到, 我聽到媽媽怪我.. 佢話我多事.. 講0甘多..

搞到哥哥依家發脾氣話唔買樓...

我只係將我意見提出, 聽唔聽都係佢決定.. 點解又要將d 0野推落我身上...

唔通又真係我錯?? 我睇以後所以事我都係不理為妙...

仲有第3件事, 早係2星期前0既星期六, 媽媽叫我陪佢一齊去裕華買0野..

0甘我就同老公一齊陪佢啦!! 去到裕華大減價...

所以我就叫老公買羽絨 la.. 因為個排天氣會轉凍 ma..

老公又無羽絨, 平時佢唔肯買衫ga.. 著來著去都係個幾件..  唔係次次我迫佢買, 佢一定唔買ga.. 0甘買完羽絨.. 老公多口話送件比媽媽... 跟住我話唔好..

老公: " 媽0米, 你有無羽絨呀? 送件比你呀!!"

媽0米: " 無呀!"

我: " 唔好呀, 你話送羽絨比佢, 但係佢每次都唔會揀羽絨ga.. 跟住每年都會話自己無羽絨ga! 早係2-3年前, 佢係0甘話自己無羽絨, 叫我送比佢, 陪佢出去買, 點知行0左成日, 買個件都唔係羽絨0黎ga... 之後一年佢又話自己無羽絨呀!!"

其實我知係我衰0既, 我唔應該0甘講媽媽..

好似係個女婿面前唔比面佢0甘.. 

但係我都係講事實jei.. 過0左2個星期媽媽都仲記住, 係0甘鬧我..

佢話我呢個不孝女 wor.. 全世界無人好似我0甘不孝 wor...

我真係係到諗, 乜我真係0甘不孝0羊?? 我真係0甘衰???

就係以上0既事, 又搞到我同媽媽大嘈一場...

我都唔知點解, 每幾個月就要發生一次...

我唔想再係0甘呀!! 可以點呀??