奇事一宗

自來貓，自來狗，自來雀都好常見，今日我屋企就發生一件頗奇怪o既事，簡直有點靈異。

事發時間係早上七八點，因為媽咪同我仍然瞓緊覺，所以目睹事發經過o既只有我爸爸；爸爸當時o係飯廳嘆緊茶，無意間擰轉頭一望，嘩～～差o的被嚇死，佢見到一隻成隻手掌咁大、貌似蜘蛛o既物體突然出現，仲要o係個客廳中間爬行緊，佢定一定神望真o的，哼～～竟然、果隻竟然唔係蜘蛛，講你都唔信呀，竟然係一隻凈返邊鉗o既迷路大閘蟹，當時爸爸都唔知好嬲定好笑，完全摸不著頭腦點解會有咁o既事發生呢，最後佢都唔理得咁多啦，唯有將攞起放入盒度養住先。

對我o黎講，呢件事實在太不可思議啦，亦都從來未聽聞過有類似事發生，媽咪話準備將佢放生，我都好贊成，始終來歷不明，都係唔好應該據為己有o既。