網誌分類：未分類 |
ben sir 真客氣哦, 攞紅酒到訪打麻雀, 佢一定係諗住打醉將了, 可惜屋企無開瓶器....hahah, 住樓上樓下真方便.....
睇了葉問, 甄子丹好厲害呀......因為主旨是生平描述, 沒有什麼內容可言, 但這是近年沒有電腦加工效果的劇種, 拳拳到肉真功夫, 都幾值得入場睇, 還有那久不久的爛 gap 笑位......
行了工展會了, 今年的攤檔跟去年無咩大分別, 所以入場後, 都係主攻乾糧區, 收獲相當豐富........大量餅乾零食, 麵類, 還有東方紅一式兩份嘅8X湯包, 冬菇, 螺片...一如以往, 工展會要行兩次才夠.......下次攻佢嘅小食......
冬至齊人嘅日子, 點少得開枱? 打了六圈, 又成了輸家......到了晚飯, 雖然無咩大魚大肉, 只有傳統嘅雞, 燒肉, 魚, 冬菇.....但一家人, 圍著那已經開始唔夠坐嘅餐枱, 氣氛好 warm, 仍然取笑那接近十年嘅黃氏笑料.....今年還加了個新的.....
妹夫 : 媽, 今晚煲咩湯呀?
媽 : 煲你老婆....
妹夫 : 煲紅蘿白?
妹笑和地說 : 好似我咁紅潤?
妹向大少說 : 煲你老婆....
大少說 : 吓! 今晚煲美人魚咩?
此時, 大家都 dead air 了一秒, 個腦都來不及, 轉唔切, 因為一貫嘅答案都會開估說 "粉葛湯", 點會估到大少會跟眾人開過咁嘅玩笑........這個笑話笑到食完飯都仲笑緊呀......
IMG_1117.JPG
IMG_1116.JPG
IMG_1115.JPG
Mrs. Chow* 2008-12-23 09:22
一句"今晚煲美人魚咩?"我都笑左笑...大少好風趣~~~哈~~~
Sze2008-12-23 10:00