免費娛樂

今日起身後...我已經決定左今日的活動......執屋!!!!!

因為成間屋每一個地方都亂到七彩....火星家庭繼續火星!!鬥唔執屋!!

我都唔知點解我會有咁多野....一間屋四個人住...但係大部份都係我既野!!!

杰杰成日話我買埋買埋又唔用又唔理....好多野食都係放到過期都唔會理!!

以前我就係有個怪癖,乜都鐘意買....買來都唔知做乜haha!!成日覺得我唔用,肥妹和媽咪都會用架啦.....好彩以前有買咋...而家想買都無錢呀~~~低B!!!!!

變身後...雖然唔係話好整齊....但起碼乾淨晒....你地睇下D史力奇..玩疊羅漢!!

執書先恐佈.....因為有太多書啦....有D仲要係重覆左...因為有幾年在旺角工作,但工作量唔多...每一日我都係睇書過日神,基本上,果幾年所出的新書(愛情類),我全部都會買齊!

包括林詠琛,張小嫻,亦舒,周淑萍,懷鈺,寧靜......仲有好多!!!買到無書好買,我先轉睇翻譯小說...點知仲大獲...一發不可收拾.....睇書呢個習慣係中學時培養出離架...只係在旺角工作呢幾年瘋狂D.....!!!直至而家.....睇書係我最大的興趣!!!!!

以下呢堆書我唔要啦.....杰杰話攞去賣...如果賣唔出就送到圖書館啦!!

呢堆係我珍藏,其實仲有好多書.....借左比朋友...希望快D可以收集回來啦!!!

呢堆好有情意結.....岑凱倫係我第一個認識的作家....果陣在樓下商場有得借書睇,好似係幾蚊一本,我係將佢所有小說都睇過....有D仲睇左過百次都唔出奇!!!到我搵到少少錢後...就好想擁有...正常來講,我係成套有晒架,有好多最後都係送左比朋友或借左比人,D人無還返比我><.....近幾年最愛係"林詠琛",所有書都係第一版的!!係我覺得最珍貴的收藏品!!!!

原來我仲有一堆書係未睇晒架...有D好鬼悶.....所以停左...有D好難明,所以又停左,但我好快會解決佢地.....因為唔同時段睇書有唔同感想架!!!

就正如"在天堂裡遇到的五個人"...第一次睇好悶...但第二次睇時...感受好大!!係一本超級值得推介的書...還有"最後的一天","24比利","比利的戰爭","龍槍","哈利波特","三杯茶","巡隊系列",好多好多好多書都好吸引我!!!講都講唔晒出離!!......

呢度都過百本書....仲要好新架...大部份都係愛情小說,我已經好耐無買新的愛情小說,因為睇到好悶,來來去去都係果D劇情....一D新鮮感都無啦....!!!HAHA

原本我諗住捐D書到宣明會做善事....但呢兩日去左兩間圖書館,我發覺圖書館沒有太多新書(係咪比人借晒呀)....捐到圖書館,一本書可能有好多人睇到....而每個人都會有唔同感受!!!兩種方法都係幫到人...最後選擇後者!!

執執下野,我又搵到呢套VCD....我仲好記得我小二時勁鐘意小忌廉架,仲好想好想買支神仙棒,不過細個時,唔識叫老豆買玩具,仲記得當年的聖誕節,交換禮物的遊戲裡,班主任就正正買左呢枝神仙棒.....我勁想抽中架...不過我好曳...返學前玩跳樓梯,扭親隻腳,全日都在醫療室渡過....最後係第二個女同學抽中,我仲叫得個女同學係姓"余"架

唔好問我點解小二的時情都會記得.....兒時的回憶...我好多都記得,仲會記得好清楚!

好啦...由4:39PM執到8:00PM....沖完個涼......做左個MASK.....又係時間煲書!!

其實我係想搵返個紅色眼鏡出離架.....

成間屋執晒都搵唔到...去左邊呀!!!