三主

我成日以為自己做錯了選擇, 然後好後悔又不停自責, 但最近體會到其實要行條咩路上天會有所安排, 只是自己都要進取, 有勇氣, 有決心及信心去面對~~  之前冇左份工真係好愁,  而家搵倒份新工, 我覺得自己真係好好彩, 人工比以前高, 唔係太忙時又可以返五日, 有一個都算傾得埋o既同事, 有個算係幾 nice o既佬細, 工作上的發展空間亦比以前多, 雖然都唔知可以做幾耐, 但每日放工都會同自己講: 我又賺多左一日人工, 然後就希望同祈求聽日都有得繼續做~~

b_gazine 的生意比我預期好, 雖然老公好辛苦, 未放過假, 但見倒佢好努力不斷諗計仔, 除左 bb 服, 攝影生意都開始有新機, 幫表姐做左個婚禮 mv video 之後, 有好多正面回應, 陸陸續續有人問價錢, 老公有越來越多屬於自己的攝影作品, 今日出去迪欣湖幫人影 pre-wedding photos, 見佢好開心好有衝勁咁~~  原本諗住 weekend 搵份兼職或做馬會,  但而家老公久唔久要出去幫人影相, 我就要幫手看舖  而且開始要接手安洛窩所有家務: 煮飯洗衫抹地抹屋抹窗洗廁所換床單等等等等~~ 好鐘意而家咁充實的生活!!

而家做三主啦: 樓主, 店主, 車主~~~ 我地的夢想一個一個咁實現, 下一個目標就係生 bb 啦, 好多謝上天看顧, 希望條路會越行越順啦~~~~