懷念1213

琴日睇返晒1213的相片同當日的 video~~

同老公一齊睇隻 video, 一路睇一路笑, 真係好好睇, 就好似睇返一套我同老公主演的戲 (當然裡面所有情節都係真 ^^) 首先睇返我同老公分別介紹姊妹同兄弟的片段, 發現我同老公的對答都有幾分相似

睇返好多自己唔知同當時唔在場的片段, e.g. 朝早老公同兄弟被玩的情況  好好笑, 跟住老公跪係度, daddy 從房拖我出妮, 跟住敬茶俾長輩.....睇返真係好溫暖同回味~~~

女家同男家敬茶片段的相同之處就係: 我媽咪同奶奶忍喊忍得勁辛苦, 當然我敬茶俾佢地的時候都好想喊....

等二度睇返都想喊的地方, 當然係夜晚著住靚靚婚紗, 在台上致詞同埋老公送給我的驚喜 (唱30日俾我聽同送99支紅玫瑰俾我)~~~ 

另外更加睇返好多我當時不在場的片段: e.g. 可愛堂妹阿琛阿柔唱歌, 現金抽獎遊戲, 換衫時老爺伴郎老公俾人"隊" 酒的情況, 等等等等.....

最後發現左樣野, 送客時我分別同好多親戚好友作個深深的擁抱, 其中包括我姑姐, 我表姐, 阿珠, 丹妮, 等等等等.........

老實講, 我諗呢套 dvd 我睇十次都唔會厭, 因為真係好難得, 好 warm 同好難忘~~~跟住再次覺得我同老公都好叻, 因為我地總算成功地攪好呢個婚禮~~~

P.S.: 睇返自己當日的各個造型, 發現樣衰當然係事實, 但令自己能夠醜中帶點美, 真係好 rely on 化粧師同攝影師, 係度真係再要多謝一次 FIONA --> 我的靚靚化粧師 (佢琴日同我講話已經當我同老公係朋友了, 真係好感動!!!! 我知我地會係永遠的朋友!! ) 仲有攝影哥哥識得就角度影得我唔太肥同唔太醜, picasso 仍然係我心目中的 no 1 攝影公司!!