幸福

上兩個星期六, 我又好乖甘上左佛堂

因為又係一個月一次既懺悔喇

好快就食完飯懺悔喇.... 當然我都係諗唔倒太多自己既錯啦

因為我唔係聖人嘛, 都係嗰句, 聖人多錯凡人無錯, 我既誤性太低了....哈哈

懺完悔就聽道喇~~~ 聽左一個好好既故事

topic係講幸福既

『從前有一個富翁, 佢有兒有女有錢有地位, 但係佢都唔覺得自己幸福

佢真係好想搵倒, 幸福既感覺係點, 好想得到....

所以, 佢就將佢d家產變買哂, 帶住一包既金銀財寶上路搵幸福喇

只要有一個人可以令到佢有幸福既感覺, 佢就願意將佢依一包既身家比哂佢

但係, 佢行左成年, 問左好多人, 都無人可以比倒幸福既感覺比佢喎

之後, 有一日~~~~佢遇到一位高僧, 就上前問佢點樣先可以得到幸福喇

如果高僧可以令到佢有幸福既感覺, 佢就會將佢依包財產比左高僧

高僧就諗左一段時間, 突然間就從佢手上搶走佢袋野喇, 一直喺甘跑

個富翁就係甘追啦, 但係因為富翁都老喇, 佢追唔倒個高僧喎

於是佢就好心痛, 仲喊添, 一生努力得返來既財產, 不消一分鐘就甘就無左喇

佢喊左一陣, 個高僧就靜靜甘走返去佢身邊, 比返袋野佢喇

然後個富翁就好開心好開心甘抱住袋野, 嗰種喜悅既感覺從心而發出來

高憎就問富翁, 你得到辛福未呀?』

古仔講完喇.... 故事帶出既, 原來幸福好多時都係喺自己身邊同埋已經得倒嫁喇

好多時, 當阿媽唔喺度先知阿媽既長氣關心自己有多幸福

當老婆唔喺度先知每晚有個人煮飯等你食, 同你講日常既銷碎事有幾幸福

當老公唔喺度先知每晚有個人聽你說話, 照顧你呵護你係有多幸福

原來, 好多時人係會因為理所當然, 太習慣, 而唔識得感恩, 會覺得係理所當然既

但當依d所謂既理所當然失去左既時候, 人就會知道自己原來以前係幾甘幸福