Sammi's concert

Sammi 開左7次演唱會, 我係尼次先尼睇. 其實上次佢開既時候就已經想睇. 今次本來都missed左, 好在朋友最後luckily搵到飛請我睇, 真係開心死. 演唱會比我預期精彩. Sammi 表現真係無得彈. 連續幾首快歌完全冇問題. 37歲有哮喘重可以咁真係勁.

演唱會入面好多歌都係舊時好hit 既歌. 不過我最鍾意係佢唱默契講首歌表達佢同佢fans既感情. 冇喊冇好肉緊既腔調, 唱既時候重笑笑口. 但係完全感受到佢想表達既感情.

第二part最鍾意係佢講佢既感情生活. 雖然係乾旱到痺, 但係佢好有信心表示佢相信佢一定會等得到. 真係feel到佢唔擔心有期望既心情. 身邊好多人因為各種原因會忽略左愛情, 有d人好期望又一直都遇唔到. 但係我始終覺得愛情係冇錯過尼樣野. 我地望返轉頭或者總係會有失落既時間. 不過唔係你既就唔係你. 好似sammi咁keeps 住相信將來, 比遺憾過去好. 而未遇到既到遇到既時候就會顯得特別珍貴. 所謂the best is yet to come. X'mas既日子, 真係希望身邊既朋友加埋自己任何事都可以保持期望同樂觀既心情. 何況如果世界末日真係就到, 我地就更加唔應該憂愁地過日子~

演唱會...令我...有d失望既地方係竟然請左鄭伊健做嘉賓..gosh....

btw, 最後買左sammi既love手鏈. hehe, 條鏈令我諗係曾經收過一條心型既頸鏈. 唔鍾意帶頸鏈既我當時心甘情願又覺得好幸福咁帶左一段時間. 到最後將佢好隨意咁掉左去街邊既垃圾桶. 我重記得當時鬆左口氣既感覺. 愛情~ 或者我尼世人都未必會遇到the one, but 我會為我生命裡面遇到所有對我好既人而滿足~ as said, life is wonderful if you know how to live it