西貢秋季旅行(下)

食完午飯大約一點，上船到下個目的地。

一上船另一種運動又開始，分秒必爭.......

航行10分鐘左右又要下船，戰況是：郎爸仍然輸緊錢。

跟住到這裡：

主要都是睇呢間教堂，沿途見到有新娘到這裡攞景影相呢，村民都已經搬出去了，見到很多'爛吉'屋；教堂倒很別緻。

後門

正面

好像不准內進(因為郎媽沒有聽導遊解說，所以常說是 '好像...')。

影完教堂又去行山，對面便是滘西州golf場........

我們坐的遊艇：

海面反晒光，即是話時間過得好快。

上船後竹戰又開始，郎爸好像贏番少少，打個和咁上下。

最後一站是橋咀島，沒什麼特別活動，只是上岸行吓灘同嗰條堤。

去到時成條堤都仲見到晒，郎媽因為從未去過，所以都跟大隊行吓。

原來條堤度有好多石頭，要小心啲行否則好易扭親.......

大約行咗三分一條堤，望出去好似喺海中間咁呢，啲水好近.......

遠遠見到條堤前面個缺口好似得番好少地露出水面，決定返轉頭。

啲水已經浸到鞋底，要揀大舊啲0既石頭行先無咁濕.....

郎爸無去行堤，同啲團友坐埋一邊傾偈；原來橋咀離西貢市幾近，遠遠都望到。

行完上番船都未夠4點，見到條堤無咗一忽，有啲人仲未返上岸：

4點3先開船，郎媽都係坐船尾，岸邊好多人釣魚；觀察咗一陣，發現原來啲魚餌比魚食0既機會係多過釣到魚，見到呢家人鈎咗成10次餌都釣唔到一條：

上船又開戰，今次停船有15分鐘以上時間，最後衝刺，個個都好快手，郎爸終於食咗鋪大大0既，佢話自摸雙辣，位位128喎......

跟住開船回程，好快就返到西貢，下面相中類似學校建築物，郎媽喺屋企都望得到：

加插郎媽屋企露台景照：

返到西貢碼頭大約四點半，郎爸佢哋啱啱打完四圈。

落船後仲有節目，就係行西貢市後坐旅遊巴去坑口三姐海鮮店食晚飯。

西貢市郎媽日日都去就不必行了，返屋企洗個臉，坐郎爸車去食飯。

總結：

是日消費：二人搭小巴上落西貢+早餐$5吞拿魚包+晚餐停車場$12。

郎爸竹戰結果：大羸家，進賬$272。

天氣涼涼地，行完山都無乜汗出又唔多累，可以活動吓，有船河遊，有免費午晚餐(仲幾好味添)，郎爸仲又食又拎.......perfect啦！

見郎白喺屋企咁悶，郎媽帶咗啲手信返屋企：兩條地下銀魚乾(好香0架)......

比太郎聞吓先......

出手喇.......

最後郎白每貓一條，食晒無得剩(小白比太郎更like魚乾)。