開心．失望

星期六晚未到樂團時間，去商場逛逛，結果買到心頭好：

超精美又便宜的手工材料包(當然是大陸貨囉)！

我做手工多數是自己創作，不過也很喜歡購買手工材料包的；做材料包時不會完全跟著instruction做，會加點創意，造出比材料包相片更靚的作品。

上面幾款最靚最有趣的是小熊family，因為可以整多幾件衫褲玩 '換衫'；另外，兔仔也可以玩換衫。

最平的是蛋糕；最近好像很多人愛上整這類蛋糕，不過我覺得沒什麼用途，因此沒有製作。其實很易整，不用買材料包都整到。

題外話：

星期六晚通常我都會去沙田的陳根記大排檔宵夜。

話說當晚一抵達正是無線頒 '最佳男主角'的一刻，當時留意到全場食客都望著電視，宣佈時全場好齊心咁 '嘩' 咗一聲，跟住就聽到類似'應該係佢啦.....' 0既意見。

當時心諗：如果得獎嗰個係另一個 ' 大熱' ，唔知啲人會唔會齊心咁 '噓' 一聲呢.....

P.S. 其實我一集都無睇過呢套劇0架。

今日去了這個音樂會幫手：

從十月開始已經每星期去排練，每次練兩個幾鐘；今天是演出的日子。

今日1點3出門口，啱啱先返到屋企，足足10個幾鐘，超累(排咗成個下午，真係坐到pat pat都實埋)﹗

在有參予演出的團中，我最喜歡這個了，因為啲人好nice。

但今天整體的演出卻比排練差，不知何解，是團員技術與熟練程度不夠？還是？？？唔明......

連玩得很熟的 '東海漁歌' 都差點兒 '墮船' ，一額汗。

希望他們快點成熟起來，下次演出更穩定。

今晚遠遠看到一位多年前因為工作忙而離團的團友唔同晒樣，原來他早兩年中風了，現在半邊身不'遂' (唔記得點寫)不能再拉二胡，很不開心。

佢同郎爸熟啲，郎爸見佢咁都覺得好慘。我同郎爸講：我哋依家有胡拉就去拉，唔知幾時會想拉都拉唔到喇......