第四擊

終於有五位數字嘅累積人次喇﹐自從無跑步﹐呢個 blog 就少o左好多讀者。

講番今朝﹐物理治療師話我情況無大進展﹐想改治療方法。

我聽到之後個心向下一沉﹐有種佢想趕我走嘅感覺﹐我唔想辛苦排到嘅擊波治療就咁結束。

之後佢話不如破釜沉舟﹐將能量由上次嘅 2.5 度加到最強嘅 4 度﹐我當然話好。

發覺 4 度都唔係好痛﹐絕對可以忍受﹐希望會有進步喇﹐下星期四第五擊同埋骨科覆診。