殘奧馬術 day 3

今朝無比賽﹐所以九點返。返工時間車程所需時間比半夜多好多﹐去到已經 8:50﹐但重未食早餐﹐於是買上 office 邊聽 briefing 邊食。

負責人話今日會送新一批嘅鮮花嚟會場﹐但現有嘅狀態重幾好﹐無咩點謝﹐所以大家就將比較靚嘅據為己有。我因為怕煩﹐所以無攞。

今日工作好輕鬆﹐只要將文具分類同記錄數量﹐準備幾日後撤離。我哋 9:30 開工﹐大約一個鐘就完成﹐11:00 已經收工﹐12:00 食埋個員工餐就返歸喇。

本來我哋要 4:30 report duty﹐不過負責人話準備工作唔多﹐所以聽日開始改為 5:30 report duty, yes!