第一次對話!!

估唔到, 探完班之後咁快又有幾會再見到祥哥啦~ 今次去咗維園, 祥哥出席"小母牛誓師大會, 佢負責帶領宣誓.

今次個funz真係有夠驚險, 首先去到現場, 我地偷雞搵到一個缺口走入去, 不過可能一行5人太過貌合神離啦, 你有你望東, 我有我望西, 又有好徬徨, 又有好無助嘅樣. 就係咁, 比明星至愛嘅名牌保安公司 - Securstar星衛嘅"實蕉"捉到我地... 就係咁, 第一次比人趕出場外... 如事者, 我地一行人就唯有棟哂喺個嘉賓入口度等, 不過今次真係等咗好耐, 我地仲驚到以為自己收錯風, 好彩最後都見到帶住黑超滿面笑容嘅祥哥出現(巧型ga wor)~~

不過今日呢個funz個feel真係幾好, 首先就係天氣風和日麗, 我地企喺維園中央草地哥時真係有少少去咗cocktail咁好舒服. 其次就係今日祥哥嚟到現在嘅時候佢原來都唔係好忙, 仲有時間同我地傾偈tim呀!! 而我, 亦都膽粗粗咁鼓起勇氣第一次同佢講野, 因為我聽日有一個神秘funz, 所以其實都係主要想問下佢聽日駛唔駛返廠開工. 雖然呢個話題就真係無聊咗D, 兼且講嘅時候我因為緊張而口齒不清. 不過我都叫做第一次同佢傾偈, 真係鼓起咗120%勇氣ga~ 今次我亦都見證咗另一位唔冷靜嘅朋友有幾唔冷靜, 扭扭拎拎一輪, 終於都鼓起佢嘅勇氣話要同祥哥嚟張單人合照, 真係比佢笑鬼死~

仲有, 今次都係我第一次拎住個祥牌同祥哥影相ja~

原來拎慣咗嘅話真係無乜野ga~

今日又係好滿足嘅一日呀~~