3日2夜台北之旅

我地一行7人係10月16日坐早機出發到台北喇~~ 話咁快就到lui, 我地都等唔切check in, 寄存左行李就即刻起程去淡水喇!

街頭小食~

沿途風景, 可惜天氣有點暗

淡水有間cafe係我個名架, 貪得意影張相先

跟住我地就去左食自助餐喇, 好多人, 價錢都好相宜, 大約港幣$200一個人, 算化算啦, 所以都無咩要求喇!

門口合照(女仕only)~~

食飽之後就去左饒河街夜市, 對我嚟講就係勁多人囉, 不過我地主要係行幾間pet shops, 不過啲野都比香港貴, 但大家諗住都嚟到喇, 所以都有買左少少手信比屋企既小朋友囉!

第二天一早就起程去金瓜石, 天氣好好, 可以話晒死囉!

後面版公仔有車入係會郁架, 好得意~~

我地就係沿住呢條樓梯上去架喇, 好長好辛苦

終於上到遺址喇, 不過已經有團友放棄左無跟嚟

跟住我地就去左九份同基隆, 但我無用自己相機係九份影過相, 所以相片欠奉喔~

晚上就係自由活動, 各團員都自行去找節目, 而我就返左酒店睇電視到2am呀, 因為台灣綜合性節目真係好好睇架~~

第三天分開左兩team, 去買手信同去動物園, 因為煲媽仗義幫我買手信, 所以我就可以去動物園喇! 

那天好多人, 不過跌序好好, 但我過溫度探測唔過關呀, 連續3次都太高, 要企埋一邊cool down左先, 可能係天氣太熱關係, 等左一陴,最後都過關, 好彩! 呢間動物園比我想像中大, 有好多野睇, 可惜我地約左另外既團友係西門町等, 所以都行唔晒成個動物園呀!

隻黑熊好得意, 其實好近但好難影囉~

西門町我反而覺得無咩特別, 好多人囉, 我都無心停留, 後尾就去左台灣故事館喇, 雖然唔係好大, 但都幾得意架~

3天旅程就係咁完滿結束喇, 真係又開心又辛苦, 每天都早起床, 由朝行到晚, 真係我既體力挑戰, 但能夠同一班好朋友一齊去玩係一件嘗心樂事, 辛苦都好值得!

係機場Hello Kitty侯機室, 又幾得意喎~

Bye Bye~~~!