1024@彭福

星期六天氣好好, 所以一早就帶兩個小朋友去彭福公園喇!

去到彭福差不多10點, 但入到去竟然一隻狗都唔見, 只係見有好多清潔工人係度清潔, 心諗唔通今日跑馬, 但又無理由跑馬會開門架, 而且自己check過無馬跑嘛, 所以唔理一直入, 終於去到大樹下先見到有一家人jar, 可能係早呀, 無咩人啦!

搵到個位就坐低比小朋友飲少少水先開始玩喇~

成個草地都無人架, 我地一家玩晒~~

我地一家人係咪好溫馨呢?

壹壹個傻仔蠢到唔識行出嚟, 笑死人

我地一家笑容係咪好一至呢? 無得頂呀!

後嚟仲見到好耐無見Joe Law既一家, 有太郎, 思思, Joey同金仔呀, 最開心就係壹壹啦, 有咁多大狗一齊玩, 但細佬就.....因為太郎又係好鍾意玩波, 兩隻野博晒命咁追波囉, 平時個個都就細佬, 但今次無囉, 次次都比太郎搶先一步, 所以就.......哈哈! 不過太郎好乖, 比細佬恐完都若無其事, 跟住又一齊玩過, 羅家真係好有家教呀~

唔好誤會係壹壹同細佬呀, 佢係太郎嚟架!

當天布甸無出席, 壹壹就變左狂鍚太郎, 攪到太郎差不多要e咀呀, 但壹壹仍然不停係咁鍚, 煩死喇!

兩個正正經經咪好囉, 睇吓佢地幾開心~~

太郎最後警告壹壹唔好再鍚喇!

玩到十二點零, 羅家要走喇, 因為佢地帶金仔去打針, 佢地係暫時睇住金仔既, 希望金仔可以快啲搵到新主人, 佢好乖, 好得意架, 仲跳上嚟偷吻我呀, 哈哈! 如果無細佬, 我都好想收養金仔, 因為金仔比我既感覺好特別, 覺得同佢好有緣份, 唔知點解呢?

羅家走左, 我地玩到大約兩點到啦, 走前再影張全家福~

三時許就回到家, 好滿足既一天呀~~