1031哈佬喂

今年既哈佬喂就真係忙碌喇, 朝早同屋企人有事做, 我晨早七點幾已經起身, 忙完屋企既事已經下晝二點幾, 返到屋企休息一陣就帶埋兩個小朋友去行香港仔水塘喇!  不過今次我決定行新路程, 唔係香港仔出, 試係灣仔峽道出喇........!

今次唔會行呢條橋, 所以影張相先~

同壹壹親密照呀

呢張相細佬都係度架, 不過佢又唔肯上鏡囉~~

終於可以坐埋一齊影張相喇~!

呢張其實好好笑, 細佬就咁係壹壹上面跳過去, 好得意

本來只係想同壹壹影, 但細佬就即刻走埋嚟搶鏡喇!

正正經經影咪好囉!

呢度係行灣仔峽壹壹係度休息既地方, 呢段路其實都少少難行, 因為尾段都幾斜, 我自己都要休息左兩次呀, 不過因為天又開始黑, 我地都唔敢慢慢行, 所以坐一陣就要起行繼續喇!

今次之行見到三個女人拖住十隻哥基呀, 場面好壯觀, 不過其中一隻見到壹壹就即刻e咀同wu佢, 可能係怕壹壹大隻啦, 不過純品既壹壹當然唔會同佢計較啦, 自己繼續行囉!  呢段路都行左個幾鐘呀, 出口係由山頂落嚟既司徒拔道, 個時已經六點幾, 我地都係坐的士返屋企lur~

晚上同兩個小朋友出去又點會唔變吓身呢? 去片~~

我都借左細佬既眼罩嚟帶呀!

比埋個天使環細佬帶啦, 係咪好醒神呢?

沿途好多人同佢兩兄弟影相, 我地攪到成十一點幾先返到屋企呀!

係咪好充實呢?