女人仔沒有工人的日子

我既工人已經走左大約一個星期, 新既又未到, 所以暫時就由我呢個女人仔擔當一切既家務同帶兩個小朋友出街街喇!

現在每朝7點起床, 梳洗完就帶兩個小朋友去街街, 壹壹原來真係好多fans架, 每日都好多人走嚟同壹壹打招呼, 尤其有一個婆婆, 佢真係好鍾意壹壹, 朝朝都等我地架!  咁帶埋佢地買早餐, 然後就歸家去喇! 返去幫佢地清潔, 比早餐佢地食, 跟住就自己換衫返工喇!

到食lunch既時候又會返屋企帶佢地落街行一轉, 我係中環返工, 所以返去大約10-15分鐘, 每日早少少食lunch, 然後買個包包就一餐架喇, 因為時間會好趕, 同佢地行完即刻就要返工架喇!

一到放工又趕返去再同佢地去街街, 不過因為壹壹有好多fans, 所以佢就好唔客氣咁入人既鋪頭玩, 真係比佢激死, 有時為左唔好意思我都要搵路行呀!  返到屋企就要預備晚餐比佢地, 然後又要去超市, 再跟住煮野比佢地食, 攪完佢地自己先可以食少少野, 好快又要餵佢地食, 跟住洗毛巾, 洗完佢地又差不多食完, 我就洗碗, 再執好野, 又要同佢地去街街喇!

晚上呢轉會行得耐啲, 因為會同佢地玩吓, 壹壹又會去佢常去既日本餐廳同7-11度玩吓, 唔覺唔覺時間又差不多11點要歸家, 返到屋企同佢地清潔完先到自己沖涼, 好夜先有番少少既時間做自己既野, 唔到1, 2點都無得訓架, 仲有好多細節都無寫到, 一日24小時真係唔夠用呀!

而家去片睇睇啦!

兩兄弟好似好唔耐煩咁!

呢間係壹壹常去既窗簾鋪!

兩兄弟入到去好似係自己屋企咁, 四圍走!

壹壹睇緊咩呢?

玩完又坐吓, 休息吓!

跟住就去呢間日本餐廳喇, 壹壹係裏面架, 睇唔睇到?

再去7-11睇吓有咩買

幫手做吓佢地公關

返到屋企樓下就一定唔肯行

見到伯伯梗係又扮乖啦!

一入到lift就唔開心架喇!

但jeremy就完全唔同喇!

我最怕既毛巾呀, 呢盤係壹壹既!

呢盤係jeremy既!

每日要洗四次既毛巾!

我都未有做其他既家務已經想死, 新工人要快啲嚟呀!