分文不用的耍樂

其實養左兩個小朋友, 生活開支無疑係大左, 不過養得狗狗, 係生活同支出就要作出適當既調整, 唔可能話無錢或無時間而忽略佢地既需要! 狗狗要既係我地既陪伴, 同佢地一齊玩, 一齊相處, 佢地並唔係需要我地比特別既野佢地食, 比靚靚既衫佢地著, 我想佢地對呢啲一啲都唔希罕, 佢地要既係我地每日肯花時間同佢地一齊玩，呢樣佢地先最開心！所以我堅守每晚都會帶佢地落街作親子時間，呢樣野唔只佢地開心，連我自己都會好開心架！　又唔需要花錢，只係用我地少少時間，各位愛狗之人，唔好得把口話自己點鍚佢地，要用行動去表示啦，狗狗只有十幾年生命，要比佢地過有意義既生活呀！

星期六我就分文都沒有用，但又會好開心咁同佢地過左一日，大家一齊分享吓啦！

政府大樓問口，我好鍾意同佢地係度玩hide &seek架喇～　

同佢地一直行，呢條橋有好多人係度釣魚架～

然後到左金紫荊廣場扮遊客，不過我啲技術真係．．．．　

再行入少少影～佢地都算好合作架喇！

後面寫明唔准狗狗入架～

咁當然都一直行，因為我地要行去公園玩波呀！

壹壹咁乖仔，點可以唔同佢影多啲相呀～～！

呢度都唔比狗狗入喎，有咩理由呀？唔理咁多喇，點都影張相先！

沿住行就可以去到公園架喇，兩兄弟都好心急啦，不過海景咁靚又點可以唔影呢！

指定項目，玩波波同爭飲水呀～～

走前又影張全家福～

跟住就行去藝術中心，成日都想影呢度，今次終於有機會喇！

壹壹幾唔想同我地一齊影，佢要自己影呀～！

就係咁，我地一家人就消磨左３個鐘，又唔駛花錢，又開心，用既就係時間囉，但真係好值得架～～！

晚上一家又再出動去walk喇～

壹壹poopoo唔想我影呀，佢要好concentrate咁辦工呀～

架模型車好盞鬼架！

今次係另一面行，兩隻野一定覺得我好無聊，咁都要影！

想影開心果呀！

其實唔花錢都可以好快樂，從今日起唔好再比籍口自己唔同狗狗佢地出去玩喇！如果唔係，將來後悔既只係自己！

如果根本騰唔出時間，係養狗狗之前請三思，唔係放佢地係屋企睇電視，涼冷氣就叫鍚佢地，狗狗係需要户外活動，需要朋友，需要我地真心陪伴佢地架！