寶貝愛兒壹壹七歲壽辰

我呢個媽媽真係失敗, 自己個仔生日估唔到自己係最遲出卜既一個, 真係好對唔住呀, 壹壹 不過你實在好幸福, 個個都咁鍚你, 所以水忌兩家已經幫你出左喇, 唔好怪媽媽呀, 因為呢個星期媽媽係公司都好忙, 所以無時間囉, 今晚比較得閒就即刻出喇!

本來係諗住同壹壹去南丫島慶祝生日既, 但因上星期天氣唔穩定, 所以.順延至呢個星期, 不過好似聽日天氣仲差過上星期, 真係人算不如天算呀!

講番八月八号壹壹正日生日, 去唔成南丫島, 約左水忌兩家上山頂去囉, 壹壹只要有街去, 其實去邊佢都會好開心既! 所以約好黃昏去慶祝囉!  

先來譚家溫馨合照 (唔駛估都知呢張相係偷既, 嘻嘻!)

皮家鏡頭下既壹壹! 好俊俏呀!

兩兄弟既跑相, 媽媽影既.....!

睇吓細佬個樣幾得戚 水皮就係後面睇到實喇!

睇吓壹壹係度做咩.......真係比佢激死呀!

整番個靚仔樣好過啦....!

兩兄弟成日都爭水飲架

但玩波又好合拍架喎!

晚上一如以往出去行街街

壹壹好鍾意係呢條天橋玩架

一於又迫佢兩兄弟合照先

壹壹生日就同壽星狗影張啦!

途中遇見隻狼狗女, 佢真係好鍾意壹壹, 因為佢身為女仔都竟然......唉, 世風日下呀!

回到家, 壹壹甜睡既樣子, 係咪好可愛呢!

就係咁壹壹就過左一個溫馨, 低調既生日喇!