生日party在彭福

得到桔桔媽邀請星期六去參加桔桔的五歲生日party, 我１１：３０到達彭福公園，好多人呀，仲見到好多哥基！幸好桔桔地搵到有利既位置，係樹蔭下相當清涼同舒服　但一離開個位置就熱到不得了，太陽伯伯好勤力工作，完全無偷懶架！

呢日水皮家無去，以為無人會幫壹壹按摩，點知壹壹叻到去搵人地個爸爸幫佢按摩，真係醜死怪，佢仲咬住人隻手要人同佢玩呀，真係唔知好嬲定好笑！

當日桔媽仲預備左食物比人同狗食，真係好細心呀！連飲品都預備埋，呢個媽媽無得頂呀．．．　桔媽仲預備左小食比每個小朋友拎走，呢個生日會真係好滿足！我地玩到２：３０就疏人喇！　

係彭福仲遇到煲煲，momo, bebee同crispy，真係無見佢地有一段時間喇，咁啱又遇到，真係開心！　不過星期六都有幾隻哥基開生日會，所以當日真係有好多哥基係彭福，但天氣太熱喇，我地都無留到好晏就走lur．．．

我唔係影左好多相，去睇睇啦

係邀請帖前影張相先，不過兩個都好唔比面囉．．

睇吓壹壹幾唔知醜，係要人同佢按摩呀，比佢激死！

呢個黑白色細佬都係麻麻地，不過無就玩住先啦！

追完放埋一邊就算架喇！

嘻嘻，又嚟喇．．．　當日天氣真係好好，唔影都對唔住自己啦．．

晒到細佬眼都朦晒

全體人合照