無題 9 up

想食麥當當早餐想左幾日, 老公出左去買。yummie~~
之後如常在家工作。

一路聽住電視一路做野。
雷曼單新聞好煩。苦主們, 你地貪先有咁苦。
多多要求要返 100% 保金? 唔好玩啦。
如果政府真係補貼, 我真係會上街遊行呀。
賣呢個 product 比你既銀行職員都係用把口賣。
唔係用把刀迫你簽名架。呢個世界邊一樣野係賺緊架??
計我話, 從來未投資過既苦主就有得賠。
果 d 往日賺唔少果 d, 一個仙都唔好賠。
我死都唔信 d 銀行職員賣呢 d product 時話呢 d 係定期。
如果係, 咁我真係替你地不值。
唔想有風險, 就咁存係銀行, 做定期。
再唔係就放係屋企 cookies 罐度, 夠哂穩陣。

我想知道, 如果雷曼唔執, 仲要有錢賺。
果班苦主會唔會將賺左果 d 錢囉出來幫下人, 自願交多稅。
有錢賺時就以為係必然, 蝕左錢時就係政府, 銀行欠左你地既。
呢 d 係咩道理?? 而家個股市, 買咩死咩, 老強, 樓市, 外幣都跌。
而家冇投資既人(如我)都係受害者啦, 全世界經濟都出現問題。
點解香港政府, 銀行淨係照住你地班苦主呀? 哎, 呢 d 就係香港人!?

呢個 2008 年就來完, 真係日日都有新聞。
我如常過我既生活, 打我既麻雀。
簡唔中享受下病既過程, 等人關心下。
心情好時, 打電話比屋企人吹下水, 講下近況。
平時打下 NDS 消磨下時間!!! 咁就一日, 咁就一個月, 咁就一年。

今日唔知聽日事。唔想為錢訓唔著, 唔好亂洗錢, 唔好投資。
盡量享受每一日。想做就去做, 想食就去食, 想鬧就去鬧。
聽日去吉之島行下街, 買下野食, relax 下!!!
做人簡單 d, 開心 d, 唔好有野煩, 只求訓一覺, 發個甜夢。早抖!~