手術後的朱儒仔

補充番朱儒仔第一日出院後係主人房到踢鼠鼠短片呀!
大家睇下朱儒仔覆診後返屋企個樣,佢急不及待搵番佢張龍床
瞓覺休息下..!                                   對眼開始進入睡眠狀態....                                唔知佢係米知我同佢影緊相呢?...佢都唔好意思瞓..撐住個樣繼續比我影相咁?....
(唔通我阻住佢瞓 )                                朱儒仔:亞媽..你知就好啦!我擺呢個POST都係想你影快D收貨,唔好阻住我瞓咋!.....                              朱儒仔:我撐唔到啦!...                                朱儒仔:心諗:(爸B成日話媽咪做野慢..原來係真架!)
                               朱儒仔: 明知我仲係病貓來架嘛?!仲要影得咁慢?
..(心諗:為咗雞雞份上)..我都係比最後一次機會你影嘞!唔好話我唔識做呀?
                                 朱儒仔:呢個POST已經"貓至而盡"了,你影得唔好都唔好怪我呀!
仲有...你唔好忘記我都係捱住晏瞓比你影架!!!! 
媽咪:(你個衰仔會有咁好死...?忍忍忍..鬼叫你病咩) 
                              媽咪:大家睇下朱儒仔個肚BO細返哂啦!                                 朱儒仔:亞媽你影咗去邊呀?.... (我唔係為咗想食雞雞,你休想影得我咁令仔呀?)                                朱儒仔:我呢家淨係批准你影正面之嘛!做乜影我全身比人睇喎?... 
                               唔知大家有無發現到,朱儒仔張龍床太污穢啦!所以我親佢唔覺嘅時候就換咗佢張龍床,唔知佢肯唔肯瞓住呢張龍床呢?

朱儒仔:點解我張龍床好似唔同咗咁嘅?
                                   瞓來瞓去都係硬屈屈咁嘅?                              碌來碌去一D軟棉棉感覺都無?!
                                  朱儒仔:媽咪...究竟你係米搞錯咗吖...拎咗張咩床來比我瞓呀?之前張龍床呢...去咗邊呀?...
                                 朱儒仔:媽咪你知唔知到..我係病貓來?..我係唔應該瞓呢種床架~咁樣..我會瞓得唔好...如果我瞓得唔好..我又會再病架啦?我再病你又再辛苦過咋!到時你唔好怪我無提過你呀?你知啦..我呢家身體係好虛弱架!唔激得,唔鬧得,只可以氹得。(最好呢家比雞雞我食....)
你都唔識撈架!
媽咪:(星星月亮太陽)X*%#Z@... (心諗:我忍你)...
                                  
                          第二日



嘩~~我一起身就見到?......點解...點解呀?....
點解個櫃打開咗架?我D可樂呀?嗚嗚....有幾罐仲趺咗落地爆開咗呀?
Oh....成地都係可樂氣水吖?...嗚嗚....呢次有排抺啦!!
仲有爸b D公仔都唔例外~天呀?....邊個做架?....
                                                      死啦!...爸B一陣返來見到的話?...佢地實屎...呢家為有快D搞搞衛生..整番好佢...等爸B唔覺至得!!                         媽咪:SASA你有無跳上入去個櫃到玩呀?成屋得你排第一最百厭?..無貓敢爬你頭架啦?唔係你仲有邊個...
SASA:媽咪..你係米懵咗呀?我尋晚跟你入房瞓架?我點會跳到入櫃喎?
媽咪:係啵...(心諗)係米朱朱跳呢?不過..朱儒仔之前都跳唔到架啵?唔會係朱朱嘅!米住....          媽咪:朱朱你幾時跳到上地櫃到架?                      朱儒仔:唔知你問乜?
媽咪:朱朱...你...                        朱儒仔:媽咪..你想懷疑係我做架?                     茶茶:媽咪..其實我知邊個做架!不過我唔會講你知架?媽咪你不如算啦!你快D執番好佢啦!你再唔執我地會受到生命危險架啦!你又話最錫係我地嘅?!
媽咪:....又用呢招來撻我..好..算..!         ~~點解?....朱朱跳到上來瞓嘅?(仲要佢瞓緊果個真係"豬兜"來的!..)                      朱儒仔:呢張龍床真係....正呀!....                        簡直..無得頂呀!!                          軟棉棉我鍾意...                        爽呀.....             
朱儒仔:媽咪你偷聽我講野呀?
媽咪:無吖?!....係啵...朱朱你呢家咁叻嘅?..跳到上來瞓啵!!
(唔通開櫃果個係你..?)          媽咪:..朱朱..今朝你係米有份跳入櫃到玩呀?           朱儒仔:唔知你講乜啵?..我唔跳上來瞓我邊會瞓得舒服呀!
(媽咪都傻傻地架..就算真係我做,我都唔會認啦!Kakaka)