開心晒

自從上星期連續四晚大倒亂後，
七仔被罰了足足五天，
罰乜？戴口罩也！
可能佢都知道自己衰，同佢戴口罩，佢一Ｄ都無扭計，
仲好順勢就將自己個頭伸入個口罩到。

雖然係罰，但係每晚我地都有同佢落街鬆一鬆，
最突破性係前幾日有一晚，
有朋友夜麻麻黎我屋企攞野，
呢位哥哥，七仔好鐘意佢，
因為除左我之我，係唯有佢最肯同七仔玩摔角。

因為佢要黎攞返Ｄ野，
所以就順便同七仔玩左一陣，
又玩毛巾，又同佢跑黎跑去，
大街大巷就咁就同佢玩摔角。

七仔當然好開心啦，
玩左成粒鐘先返屋企，
返到屋企，佢就自己倒頭大睡，
無咬手咬腳，一覺瞓到大天光。

唉，我都知衰，知到佢要人陪佢玩，
但我自問真係無咁既體力，
不過咁，為左七仔可以好Ｄ，
呢個星期我都傾盡全力，
又跑又跳又玩毛巾，
近呢兩三日，七仔咬手咬腳就情況有明顯好轉左，
甚至我地無同佢再帶口罩，
佢都無再倒亂。

唉，安樂晒。
不過，就真係超攰............