好耐都無整小食比七仔，
都知佢好恨食，
所以成日經過Ｄ寵物店，
就一定入去睇睇有無啱七仔食既零食，
但係，其實七仔又唔係乜野零食都食得，
經過我地過往一段時間的觀察，
暫時以我地所知，
佢對雞、紅蘿白、白米、小麥等等都有敏感，
所以有時想獎下佢，
當然最好就係請佢食野啦，
但係就真係好難揾適合既零食。
今日我地又去探Oscar的女麻女麻，
小Ca媽媽送了一包三文魚的小食給七仔，
哇，好好啊，我係出面真係未見過，
一返到屋企，就急不及待立即帶左小七落街，
順便試下呢袋新零食的威力。
威力當然無得頂啦，
七仔好似食左興奮劑咁，
勁開心，
自從七仔食開Ｏ個包零食食晒之後，
我地一直都揾唔到又遇唔到佢適合食既零食，
小Ca媽媽，真係多謝晒。
