緣份

琴日,我足足撞到4個人, 我真係好有撞到人的運. 等我講下撞到邊個啦!

一早返工(其實都9:30AM）係的士站見到舊同事，即係我師父，係我第一份工的時候識的，佢教識左我好多野，佢好有耐性甘教我，令我學識好多野！當然見到佢好開心，我地一路搭的士一路傾計，而家我地做野的地方好近，所以遲D會約佢出黎食lunch.

放工後約左，瑤瑤同YoYo食飯，係去緊路途中，我見到舊同學，佢差不多年年都考第一，但係我唔係同佢一班，所以唔係好熟，我地只有eye contact, nothing eles lu....

食完飯就同佢地行左一陣，跟住俾我見到係LF的同事，不過佢唔係我條team，所以唔熟．跟住俾我撞到另一個中學同學，可惜佢見唔到我．

而今朝，又俾我見到寵物姐姐，佢好鍚我ｄ狗狗架！

我其實真係好容易撞到人，記得有一次約左舊同事食飯，點知其中有一個遲到，令到我地６個人唔可以入坐，因為人齊先可以入坐．跟住我同D同事講，希望見到熟人啦．點知俾我見到大哨個舊同學，我立即叫佢幫忙，甘我地先可以入坐．有時當我出街，我會有D撞到人的感應，雖然唔係次次中，但都有兩三次中架．

好似我同大哨甘，都係撞下撞下甘識，下次再話過你知我地係點識．．．．．．