自家製環保皂用後分享

第一批環保皂已經使用當中~ 譚美當環保皂係家事皂咁用....都用左3星期~ 係時間分享用後感啦~

以往睇blog收到既MESSAGE係...

環保皂好環保....除左用癈油做材料外, 仲可以分解油脂...所以排出既污水對大海既傷害少D~

我之前未用過環保皂....都有少少擔心! 不過試過又真係得wor......就好似我地用潔膚油一樣...油污用皂去洗會分解, 變成淡淡白色既水~一沖就得....慳番唔少過水時間~ 當然好油既碗碟可能要用皂洗多一次先再沖水~我覺得可以接受....比用洗潔精要過3次水好得多~

有人覺得用皂比較唔方便...何生仲有少少迷網添~ 究竟係用件皂直接於碗碟上打圈....定用雙手去搓起泡先好呢...我就用以下方法...都唔錯架~

1) 用一個小碗/碟放皂, 先整濕海綿~(唔好太多水~少少濕ok啦~)再放皂上輕輕打圈~

2)海綿沾上皂後便可揸揸海綿幾下....好快就會起細密既泡泡~

3)之後就可以好方便洗碗~

4)間中重複沾少少皂or皂水~就會keep住起泡....跟住過水一次就得啦~

洗碗之外...仲有洗其他野~洗袋, 洗雨傘等....都好ok!

我仲有加左茶樹油既環保皂未用....哈!我地又有排用啦~

如果有朋友有興趣想試用~可以留message比我地!我地都想知大家用成點呀~