今日.....原本來打算同WINGWING好充實咁一日做3樣野: 做皂+做釸膠模+試整脆皮燒肉! 何生同陳生就可以去暢泳一番~點知....我地訂左既原料今日送唔到貨!:(

太過份啦~令我地既計劃要DELAY去下星期六.....

咁...唔太甘心...又要準備晚飯...就自己試下整左脆皮燒肉先啦~哈哈又總算得左wor!

買左1斤左右既五花腩, 用紹興酒, 五香粉, 南乳同少少鹽搽成塊五花腩(但唔好搽皮!)~而皮要蓋一層厚厚的鹽, 作用係抽走水份~ 由於我睇既食譜未有詳細調味成份.....所以我都係抱住博一博既心去試.....一路整一路驚會唔會唔入味, 又或者太重味....最驚係唔成功....唔脆皮!所以...最後決定一斤一開為二, 今日焗一半試試先~

出爐啦~個樣又好似得wor....不過未切...未知熟唔熟....叫何先幫手切開~

切開又好似ok wor....haha...個皮好脆.....yeah!!!!!

不過...仲未試味....最後一關....希望成功啦!

好~試左味!haha...都算成功既....好香...皮好脆...ok入味, 有南乳味, 仲有肉汁,比想像中好!不過何生唔多愛南乳, 所以下次會試唔用南乳...用花椒粉同五香粉....睇下又會唔會更好味道!

之後仲有甜品...本來打算整香蕉pancake...點知唔記得買香蕉...咁又整我地既最愛...."南山村"花生錬奶pancake....

真係要極大力推介吉之島10蚊店既pancake粉.....真係十分好味.....基本上只要你跟足材料...煎出既pancake一定又香又軟滑~我地食到記憶中"南山村pancake"既味道呀~勁開心!!!

晚上11點時都忍唔住要食多件...真係好肥仔....都係我衰....何生婚後出現既大肚腩...我要負責任啦!

註: "南山村pancake" - 係一個pancake車仔檔....檔主好好人,  pancake超好味....我地成班朋友會特登去食!不過極可惜係....檔主上年已經無做啦~好似係因為有份較好既工作...唔駛再開檔wor.....我地當時真係極度失望...不過亦都祝福佢...希望佢唔駛咁辛苦開partime pancake檔~....pancake既美味已留下開心回憶!