２８個月喇！

一哥今日足２歲４個月喇，時間真係好快呀！

一哥今個月講多左好多野，基本上已經可以表達自己要乜，句子都開始得得地，對於講野比較遲，同埋唔算咁叻既一哥嚟講，算係幾大既進步！

今個月集中同佢戒片，進度麻麻地喇！都有令一媽激氣同埋頹喪，但最終總算可以成功調較到心情，再一次話比自己知，個個小朋友都有叻既地方，咁好自己亦有唔太叻既方面，多ｄ欣賞佢地好既一面，大家都會開心！只要佢本身有進步，咁就無問題喇！

家下，一媽放鬆心情，一哥戒片進度慢ｄ，咪慢ｄ囉，佢本身係一個原因，一媽本身係另一個原因，我地兩個都未做到最好，所以我地要一齊再努力囉！

至於開心既事，係一哥開始識講道理，同埋佢好遵守承諾，應承左一媽既事，通常都會做得到，而且佢唔再扭一媽抱，見一媽話唔抱，佢就唔會再扭架喇！

有樣最唔好既，就係夜訓左，呢點一媽真係責無旁貸，因為一媽都係晏起身既人，為左一哥，一媽要逐步提早叫一哥起身喇！